នគរបាលប៉ុស្តិ៍ស្រះចកឃាត់ខ្លួនជនសង្ស័យ៣នាក់ពាក់ព័ន្ធករណីជួញដូរនិងប្រើប្រាស់គ្រឿងញៀន
10-April-2018 | ដោយ ពលមនសិការ
ភ្នំពេញ ៖ កម្លាំងប៉ុស្តិ៍នគរបាលរដ្ឋបាលស្រះចកបានឃាត់ខ្លួនជនសង្ស័យ៣នាក់ពាក់ព័ន្ធករណីជួញដូរនិងប្រើប្រាស់ដោយខុសច្បាប់នូវសារធាតុញៀននៅថ្ងៃទី១០ ខែមេសា ឆ្នាំ២០១៨ វេលាម៉ោង០៦និង៣០នាទី នៅចំណុចក្នុងបន្ទប់ឈើបាក់បែកផ្លូវR៦ ភូមិ៣ សង្កាត់ស្រះចក ខណ្ឌដូនពេញ រាជធានីភ្នុំពេញ។
លោកវរសេនីយ៍ឯក ហួត ចាន់យ៉ារ៉ាន់ អធិការខណ្ឌបានឲ្យដឹងថាជនសង្ស័យទី១-ឈ្មោះ នី សុខប៉ាវ ភេទប្រុស អាយុ២៤ឆ្នាំ ជនជាតិខ្មែរ មុខរបរនឹងទីលំនៅមិនពិតប្រាកដ, ទី២-ឈ្មោះ ប៉ក់ វណ្ណា ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងហែមជាតិ ផ្លូវលេខ១៣០ សង្កាត់ផ្សារចាស់ ខណ្ឌដូនពេញ រាជធានីភ្នំពេញ, ទី៣-ឈ្មោះ អេច ឡូរេន ភេទស្រី អាយុ ២១ឆ្នាំ ជនជាតិខ្មែរ មុខរបរនឹងទីលំ នៅមិនពិតប្រាកដ។
វត្ថុតាងចាប់ៈ ក្រាមពណ៌សថ្លាសង្ស័យជាគ្រឿងញៀនចំនួន២៩កញ្ចប់តូច, កាបូបដៃពណ៌សូកូឡាមួយ, ដែក កេះចំនួន០២,ដបមានចុះគំរបដាក់ ទុយោចំនួន០១(ចាប់យកពីឈ្មោះនី សុខប៉ាវ), ទូរស័ព្ទដៃ០១គ្រឿងម៉ាកNokia ពណ៌ផ្កាឈូកនឹងទូរស័ព្ទ០១គ្រឿងម៉ាកNokiaពណ៌ខ្មៅ(ចាប់យកពីឈ្មោះ ប៉ក់ វណ្ណា)។
បច្ចុប្បន្នជនសង្ស័យឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងចាត់ការតាមនីតិវិធី៕
ចំនួនអ្នកទស្សនា
- ថ្ងៃនេះ3491
- ម្សិលមិញ10851
- សប្តាហ៍នេះ70011
- ខែនេះ185161
- ឆ្នាំនេះ185161
- សរុប20627617